વડોદરા શહેરના મકરપુરા પોલીસ સ્ટેશન વિસ્તારમાં બનેલા હત્યાના ગંભીર બનાવમાં પોલીસે નોંધપાત્ર ઝડપ દાખવી છે. ઘટનાની જાણ થતા જ વડોદરા શહેર ક્રાઇમ બ્રાંચ અને મકરપુરા પોલીસ સ્ટેશનની સંયુક્ત ટીમે તાત્કાલિક તપાસ હાથ ધરી હતી.પોલીસ દ્વારા સીસીટીવી ફૂટેજ, ટેક્નિકલ સર્વેલન્સ અને સ્થાનિક સૂત્રોની મદદથી આરોપીઓની ઓળખ કરી લેવામાં આવી હતી. પરિણામે, ગણતરીના કલાકોમાં જ હત્યાના બનાવમાં સંડોવાયેલા તમામ આરોપીઓને ઝડપી લેવામાં સફળતા મળી છે.આ ઝડપી અને અસરકારક કાર્યવાહીના કારણે શહેરમાં કાયદો અને વ્યવસ્થા જાળવવામાં પોલીસની સતર્કતા અને કાર્યક્ષમતાનું ઉત્તમ ઉદાહરણ પૂરું પાડ્યું છે. હાલ પકડાયેલા આરોપીઓની વધુ પૂછપરછ હાથ ધરવામાં આવી રહી છે અને સમગ્ર મામલે આગળની કાયદેસર કાર્યવાહી ચાલુ છે.